Le caricature - Ex Allievi Istituto Rossi di Vicenza

Vai ai contenuti

Menu principale:

Le caricature

Le foto storiche

                    Parvia  dei  Sopracigli
                    
                    Parvia  dei  sopracigli,  cresui  abondanti
                    i  se  gode  a  ciamarlo  Seia  tuti  quanti.
                    
                    Questo, però ,  non  i  lo  fa  par  cativeria ,
                    la  se  na  tradision,  na  roba  quasi  seria .

                    Coi  lo  vede ,  tuti  quanti  lo  schivaria ,
                    gnaca   el  petasse   na  bruta  malatia.

                    Perfin  i  bidei,  quando  el  sta  par  rivare ,
                    i  se  mete  sul  serio  a  netare  e   spasare .

                    E  i  professori ,  se  i  lo  incontra  par  caso ,
                    i  toca  par   tera  con  la  punta  del  naso .

                    In  fondo  in  fondo  ghe   semo   affezionà
                    anca  sel   gà   sempre  la   faccia  da  inrabià .





 
Tratto da  " COSE NOSTRE " - 5BT  anno 1967  -
Disegni di Rino Roberto Simoni  -  Poesie di Lino Zorzo

Na vose bisbiglia

Na  vose  bisbiglia :" Atenti, la  riva " .
I  se  posta  i  botoni  con  mossa  furtiva .

La  entra , la  varda , la  saluda   e  la  se  senta :
la  ga  l'ocio  straco ,  ma  la  pare  contenta .

Bon  segno  se  spera ,  forse  ancò  la  va  vanti ,
pensar  che  se  la  interroga  la  ne  frega  tuti  quanti .

Ela  la  ride,  la  ne  conta  na  barseleta ,  
però , dopo  el  dolse ,  la  vol  na  vitimeta .

La  verse  el  registro ,  lao  score  coi  oci  e
a  noialtri ,  poareti ,  ne  trema  i  zenoci .

Dopo  la  se  ferma ,  la  varda  un  pò  in  giro ,
la  ride :  la  ciama  el  nome  …  se  sente  un   sospiro.



Tratto da  " COSE NOSTRE " - 5BT  anno 1967  -
Disegni di Rino Roberto Simoni  -  Poesie di Lino Zorzo


 
Torna ai contenuti | Torna al menu